*लक्ष्मणराव धनवडे यांच्या आंदोलनाच्या इशाराची दखल*  *तुंगत प्राथमिक आरोग्य केंद्रामध्ये वैद्यकीय सुविधा उपलब्ध* *आरोग्य विभागातील वरिष्ठ पातळीवरून यंत्रणा लागली कामाला*

पंढरपूर/ प्रतिनिधी

पंढरपूर तालुक्यातील तुंगत येथील प्राथमिक आरोग्य  केंद्रामध्ये येणाऱ्या अन्य ग्रामीण भागातील रुग्णांना  आरोग्य सुविधा उपलब्ध होत नाही. त्यामुळे भाजपचे जिल्ह्याचे नेते लक्ष्मणराव धनवडे यांच्या नेतृत्वाखाली रस्ता रोको आंदोलन करण्याचा इशारा देण्यात आला होता. याबाबत आरोग्य विभागाकडून तात्काळ दखल घेतली आहे .

लक्ष्मणराव  धनवडे यांच्या प्रयत्नामुळे पंढरपूर तालुका आरोग्य अधिकारी तसेच जिल्हा आरोग्य केंद्र त्याचप्रमाणे महाराष्ट्र राज्य आरोग्यमंत्री तानाजी सावंत यांनी तातडीने आदेश देऊन तुंगत प्राथमिक आरोग्य केंद्र मध्ये सुविधा उपलब्ध करून देण्याचे त्वरित मान्य झाले. 15 मार्च 2024 पासून सर्व वैद्यकीय सुविधा या तुंगत प्राथमिक आरोग्य केंद्रामध्ये उपलब्ध होणार असून, या सुविधांमध्ये शस्त्रक्रिया ग्रह त्याचप्रमाणे सर्पदंश लस स्वांग लस आणि आरोग्य कर्मचारी यांची उपलब्धता  झालेली आहे.
     11 मार्च रोजी भैरवनाथवाडी येथील भाजपाचे जेष्ठ कार्यकर्ते लक्ष्मण तात्या धनवडे यांनी तुंगत प्राथमिक आरोग्य केंद्र मध्ये सुविधा उपलब्ध नसल्यामुळे व तेथील भोंगळ कारभाराला आळा घालण्यासाठी त्या आरोग्य केंद्रामध्ये सर्व आरोग्य सुविधा यावर उपलब्ध व्हाव्यात म्हणून रस्ता रोको आंदोलन करण्याचे ठरवले होते परंतु जिल्हा तसेच तालुका वैद्यकीय अधिकारी त्याचप्रमाणे महाराष्ट्र शासन आरोग्य विभाग मंत्री तानाजी सावंत यांनी  राज्याचे आरोग्य उपसंचालक पुणे यांनी या आंदोलनाची तात्काळ दखल घेत सोलापूर जिल्हा आरोग्य अधिकारी यांना त्वरित आदेश देऊन संबंधित विभागाला आदेश देऊन सखोल चौकशी करून या सुविधा उपलब्ध करून देण्याचे मान्य केले. त्यामुळे 18 मार्च रोजी होणारा रस्ता रोको आंदोलन हे स्थगित करण्यात आले. आहे असे पत्र तालुका पोलीस स्टेशन येथील  पोलीस निरीक्षक यांना देण्यात आले आहे.
    भाजपाचे ज्येष्ठ नेते लक्ष्मण धनवडे यांच्या प्रयत्नाला यश आल्या मुळे त्या भागातील ग्रामस्थांनी त्यांचे आभार व्यक्त केले जात आहे.