*समाजसेवक मुजम्मिल कमलीवाले कार्यगौरव पुरस्काराने सन्मानित* *चेअरमन अभिजीत पाटील यांच्या हस्ते झाला सन्मान*

पंढरपूर /प्रतिनिधी
पंढरपूर शहरातील तरुण , युवक समाजसेवक, मुजम्मिल कमलीवाले यांना कार्य गौरव पुरस्काराने नुकतेच सन्मानित करण्यात आले आहे येथील क्रांतिसिंह नाना पाटील तरुण मंडळातर्फे त्यांचा गौरव करण्यात आला असून, विठ्ठल सहकारी साखर कारखान्याचे चेअरमन अभिजीत पाटील यांच्या हस्ते हा सन्मान सोहळा पार पडला.

पंढरपूर शहरात कोरोना काळात विशेष उल्लेखनीय कार्य करणाऱ्या मान्यवरांना यावेळी कार्य गौरव पुरस्काराने सन्मानित करण्यात आले. मुजमिल कमलीवाले यांनी कोरोना संक्रमणाच्या काळात मोठे काम केले होते. कोरोना रुग्णांना औषधे पुरवण्यापासून ते बेड मिळेपर्यंतची सर्व मदत, त्यांच्याकडून कोरोना रुग्णांना होत होती. प्रशासनाच्या हातात हात घालून काम करत असताना, या काळात त्यांचा मोठा नावलौकिक झाला होता. याचवेळी बेवारस, असहाय नागरिकांना दोन वेळचे जेवण देण्याचा परिक्रम त्यांनी ठेवला होता याच त्यांच्या कार्याची दखल घेत क्रांतिसिंह नाना पाटील चौक तरुण मंडळाच्या वतीने त्यांना कार्य गौरव पुरस्काराने सन्मानित करण्यात आले.

विठ्ठल सहकारी साखर कारखान्याचे चेअरमन अभिजीत पाटील यांच्या हस्ते त्यांचा सन्मान करण्यात आला. मानाचा फेटा शाल घड्याळ सन्मान चिन्ह आणि प्रशस्तीपत्रक देऊन त्यांना गौरवण्यात आले यावेळी ह भ प प्रसाद महाराज अंमळनेरकर श्रीकांत शिंदे तसेच महंमद उस्ताद उपस्थित होते.