*सांगोला धाराशिवचे मिल रोलर पूजन संपन्न* *चेअरमन अभिजीत पाटील यांचेकडून चार लाख गळीताचे उद्दीष्ट*
Mahaling Dudhale 
पंढरपूर/प्रतिनिधी
सांगोला तालुक्यातील धाराशिव साखर कारखाना युनिट नंबर ४ची आगामी २०२३ते २०२४या सालातील गळीत हंगामाची तयारी सुरू झाली आहे. यासाठी सोमवारी या कारखान्याचे मिल रोलर पूजन करण्यात आले. यावेळी चेअरमन अभिजीत पाटील यांनी याआगामी हंगामात कमीत कमी चार लाख गाळप करण्याचे उद्दीष्ट ठेवले असल्याचे जाहीर केले.
हा मिल रोलर पूजन कार्यक्रम सहकार शिरोमणीचे माजी संचालक ऍड दिपक पवार आणि त्यांच्या सुविद्य पत्नी मधुराताई पवार यांच्या हस्ते करण्यात आले. यावेळी कारखान्याचे एम डी अमर पाटील, जनरल मॅनेजर रवींद्र साळुंखे, चिफ इंजिनिअर सगरे, मुख्य शेतकी अधिकारी जमीर काझी, चीफ केमिस्ट आवळे ,चीफ अकाऊंट घोडे, डेपू.चीफ इंजिनिअर शिंदे, उप शेती अधिकारी मासाळ, तसेच उप खाते प्रमुख सर्व कर्मचारी, कामगार वर्ग उपस्थित होते.
हा कारखाना बारा वर्ष बंद होता. तो अभिजीत पाटील यांनी आपल्या धाराशिव युनिट नंबर ४म्हणून आपल्याकडे घेतला. अवघ्या ३५दिवसात बंद अवस्थेत असलेला हा कारखाना सुरू करून मागील दोन वर्ष गाळप केले आहे. हा तिसरा गाळप हंगाम सुरू करण्यासाठी जोरदार तयारी सुरू केली आहे. यामुळे सांगोला तालुक्यासह इतर भागातील ऊस गाळपचा मोठा प्रश्न मिटणार आहे.
