*पत्रकारांचा सल्ला हा  जनतेच्या विकासासाठी  महत्वाचा*  *पंढरीतील पत्रकार सत्कार कार्यक्रमात आ. समाधान आवताडे यांचे वक्तव्य* *पत्रकारांच्या घरकुलाचा प्रश्न मार्गी लावण्यासाठी प्रयत्न करणार असल्याचे आश्वासन*   

पंढरपूर/प्रतिनिधी

पत्रकार हा समाजाबरोबरच लोकप्रतिनिधींचा आरसा असतो. समाजात घडणाऱ्या विविध घटना पत्रकार सातत्याने समोर आणतो. याचबरोबर लोकप्रतिनिधींचे विविध प्रश्नांकडे लक्ष वेधून घेण्याचे काम सातत्याने करत असतो. त्यामुळे त्यांच्याकडून मिळालेला सल्ला हा जनतेच्या विकासासाठी महत्वाचा असतो. असे वक्तव्य आ. समाधान आवताडे यांनी केले.

पत्रकार दिनाच्या निमित्ताने जो सन्मान सोहळा आयोजित करण्यात आला होता. यावेळी आ. आवताडे बोलत होते. यावेळी कार्यक्रमाच्या अध्यक्षस्थानी ज्येष्ठ पत्रकार विलास उत्पात होते. तर प्रमुख उपस्थितीत अनेक ज्येष्ठ पत्रकार होते.

यावेळी बोलताना आ.आवताडे यांनी पत्रकारांना अनेक घटकांशी सामना पत्रकारांन करावा लागतो.मात्र पत्रकारांचे मूलभूत प्रश्न  कायम आहे. 
पंढरपूर येथील पत्रकारांच्या घरकुलाचा प्रश्न सातत्याने मांडला जात आहे. हा प्रश्न आपणच आता 
काही दिवसातच बैठक घेऊन हा प्रश्न सोडवण्याचा प्रयत्न करणार असल्याचे आश्वासन देण्यात आले.
   
आ. आवताडे यांच्या वतीने आयोजित करण्यात आलेल्या या सत्कार सोहळ्याच्या वेळी व्यासपीठावर ज्येष्ठ पत्रकार सिद्धार्थ ढवळे, भाजपा जिल्हा उपाध्यक्ष विजयसिंह देशमुख, माजी नगरसेवक सुनिल डोंबे, तुकाराम कुरे, विनोद लटके, समाधान घायाळ, प्रसाद कळसे उपस्थित होते.

पुढे बोलताना आमदार समाधान आवताडे म्हणाले की पंढरपूर-मंगळवेढा मतदारसंघाच्या विकासासाठी मोठा निधी उपलब्ध करून दिला आहे. 
पुढील काळात पंढरपूरच्या विकासासाठी मोठा निधी मिळणार आहे. यातून दर्जेदार कामे कशी करता येतील याकडे लक्ष घालणार असल्याचे आमदार समाधान अवताडे यांनी सांगितले.
     यावेळी पत्रकारांनी पंढरपुरातील विविध विकास कामांंबाबत तसेच विठ्ठल मंदिराच्या कारभारावर प्रश्न उपस्थित केला.यावर आमदार समाधान आवताडे यांनी आपण यामध्ये लक्ष घालणार असल्याचा विश्वास दिला.
मंदिर समितीवर सदस्य म्हणून पत्रकार प्रतिनिधी घ्यावा. यासाठी प्रयत्न करणार असल्याचे यावेळी आवर्जून सांगितले.सुरुवातीला आमदार अवताडे यांनी पत्रकार दिनाच्या व मकर संक्रांतीच्या शुभेच्छा दिल्या. 
यानंतर प्रारंभी ज्येष्ठ पत्रकार, सर्व पत्रकार संघाच्या अध्यक्षांचा सन्मान व सर्व पत्रकार बांधवांचा सन्मान करून पेन, शाल तसेच पंढरपूरचे पत्रकार श्रीकांत साबळे यांनी लिहिलेले संघर्षयात्री हे पुस्तक भेट दिले.
  या कार्यक्रमाचे वेळी पत्रकार महेश खिस्ते, सुनील उंबरे, अभिराज उबाळे, हरिभाऊ प्रक्षाळे, यांचेसह काहीजणांनी आ. आवताडे यांना पंढरपूर शहर आणि भागातील कामकाजाबाबत सल्ला दिला.