*महिलांचे प्रश्न सोडविण्यासाठी खरे परिवार सोबतीला असेल*  *सौ.तृप्तीताई खरे यांचे पोहोरगाव आणि विटे येथील हळदी कुंकू कार्यक्रम प्रसंगी आश्वासन*

पंढरपूर/प्रतिनीधी

२४७ मोहोळ राखीव विधानसभा मतदारसंघातील शिवसेनेचे संभाव्य उमेदवार उद्योजक राजाभाऊ खरे  यांच्या पत्नी सौ. तृप्तीताई राजु खरे यांच्या उपस्थितीत मकर संक्रांतीनिमित्त मोहोळ मतदार संघातील विविध गावात हळदी कुंकू कार्यक्रम सुरू करण्यात आले आहेत. यामुळे पंढरपूर मंगळवेढा मतदार संघातील पॅटर्न आता मोहोळ मतदार संघातही सुरू करण्यात आला आहे.

विधानसभा निवडणुका अगदी जवळ आलेल्या आहेत. यामुळे या मोहोळ विधानसभा राखीव मतदार संघातून उमेदवार म्हणून इच्छुक असलेले उद्योजक राजाभाऊ खरे यांनीही आपला संपर्क वाढविण्यास मोठा जोर धरला आहे. विविध कार्यक्रमाचे निमित्ताने खरे गावोगावी भेटी आणि मदतकार्य सुरूच आहे. अशातच मागील काही दिवसांपासून त्यांच्या पत्नी तृप्तिताई खरे आणि लहान बंधू विजय खरे यांनीही आपले गवभेटीसाठी दौरे वाढविले आहेत. यामुळे खरे यांची उमेदवारी पक्की समजली जात आहे.

मागील दोन दिवसांपासून हळदी कुंकू कार्यक्रम सुरू केले आहेत.यामधे मोहोळ मतदार संघातील असलेल्या पोहोरगाव , विटे , तारापूर, खरसोळ येथे महिलाच्या वतीने तृप्तीताई यांचा सत्कार करण्यात आला .
     या प्रसंगी सौ.तृप्तीताई खरे,माजी सभापती(सांगोला). सुर्यागनताई ,विद्यमान सरपंच हिरकणीताई भारत वाघमारे,सौ.कमळाबाई, विद्यमान उपसरपंच- सौ.सखुबाई शंकर पाटील, ग्रामपंचायत सदस्या सौ.रूपालीताई नाना कोळी,बचत गट अध्यक्ष सौ.सुनिता नंदू जाधव आदी गावातील महिलांचा उत्स्फूर्त प्रतिसाद  मिळाला.