*पंढरीत गुरुवारी मनसेचा आक्रोश मोर्चा*  *पक्षपात न मानता एसटी कामगार, शेतकऱ्यांसह इतर बांधवांच्या विविध मागण्यांसाठी पंढरीतील अनेक संघटना होणार मोर्चात सामील*

पंढरपूर /प्रतिनिधी

एसटी कर्मचारी, शेतकरी बांधव , मेहतर समाज ओबीसी समाज बांधव,
 झोपडपट्टी वासीय, यांच्या विविध मागण्यां संदर्भात मनसे आक्रमक झाली आहे. मनसे नेते दिलीप धोत्रे यांच्या नेतृत्वाखाली, पंढरीत गुरुवारी आक्रोश मोर्चाचे आयोजन करण्यात आले आहे.

पंढरपूर शहरातील शिवाजी चौकामधून निघणारा हा मोर्चा , गुरुवार दि. १६ डिसेंबर रोजी सकाळी ११ वाजता निघून ,येथील तहसील कार्यालयावर पोहोचणार असल्याची माहिती, मनसे नेते दिलीप धोत्रे यांच्याकडून देण्यात आली आहे. 

एसटी कर्मचाऱ्यांचे राज्य शासनाच्या कर्मचाऱ्यांमध्ये विलीनीकरण करावे, पंढरपूर शहरातील अधिकृत झोपडपट्टीतील नागरिकांना ते राहत असलेल्या जागा देण्यात याव्यात, अवकाळी पावसामुळे नुकसान झालेल्या शेतकऱ्यांना तात्काळ मदत करावी, ओबीसीचा एम्पेरियल डाटा त्वरित कोर्टात सादर करावा, शेतकऱ्यांचे तसेच घरगुती ग्राहकांचे वीज कनेक्शन कट करू नये, मेहतर समाजाच्या सफाई कामगारांना राहत्या जागेवर त्यांच्या हक्काची जागा मिळावी, पंढरपूरमध्ये एमआयडीसी मंजूर झालीच पाहिजे तसेच , महादेव कोळी समाजाच्या जातीचे दाखले सुलभ पद्धतीने मिळावेत, त्यांना जात पडताळणीच्या जाचक अटी रद्द कराव्यात , अशा अनेक मागण्यांसाठी पंढरपूर शहरात मनसेने विराट आक्रोश मोर्चाचे आयोजन केले आहे . हा मोर्चा सकाळी ११ वाजता येथील शिवाजी चौकापासून निघून, पंढरपूर तहसील कार्यालयावर पोहोचणार आहे . या मोर्चासाठी बहुसंख्य नागरिकांनी उपस्थित राहण्याचे आवाहन मनसे नेते दिलीप धोत्रे यांनी केले आहे.

चौकट

एसटी कामगार, शेतकरी बांधव, ओबीसी बांधव तसेच, इतर समाज बांधवांच्या विविध मागण्या संदर्भात , मनसेकडून आक्रोश मोर्चाचे आयोजन करण्यात आले आहे. गुरुवारी सकाळी ११ वाजता, येथील शिवाजी चौकापासून हा मोर्चा निघून, पंढरपूर तहसील कार्यालयावर धडकणार आहे.