*पंतप्रधान मोदी यांच्यासमवेत खा. उदयनराजे भोसले आणि खा. निंबाळकर यांची बैठक* *मराठा आणि धनगर समाजाच्या आरक्षण प्रश्नी मार्ग काढण्याचे दिले आश्वासन* *खा . रणजितसिह नाईक निंबाळकर यांची माहिती* 

*पंतप्रधान मोदी यांच्यासमवेत खा. उदयनराजे भोसले आणि खा. निंबाळकर

पंढरपूर/प्रतिनीधी

पंतप्रधान नरेंद्र मोदी यांची छत्रपती उदयनराजे भोसले व खासदार रणजितसिह नाईक निंबाळकर यांनी  भेट घेतली होती. यामधे सविस्तर चर्चा होऊन महाराष्ट्रातील मराठा आणि धनगर समाजाचे आरक्षण प्रश्नावर योग्य मार्ग काढून तो सोडविला जाईल असे ठोस आश्वासन मिळाले असल्याची माहिती, खा निंबाळकर यांनी दिली आहे.

     काल सोमवारी दिल्लीमध्ये सर्वपक्षीय खासदारांची  एक महत्त्वपूर्ण बैठक संपन्न झाली. त्याच  पार्श्वभूमीवर खासदार रणजितसिह नाईक निंबाळकर यांनी मराठा व धनगर समाजाला आरक्षण मिळावे .यासाठी पंतप्रधान नरेंद्र मोदी यांची भेट मागितली होती .भेटी दरम्यान खासदार छत्रपती उदयनराजे व खासदार रणजीतसिंह  नाईक निंबाळकर यांनी महाराष्ट्रातील आरक्षण  परिस्थिती वर चर्चा केली . यामधून ओबीसी समाजाच्या आरक्षणाला धक्का न लागता मराठा समाजाला आरक्षण मिळाले पाहिजे. ही भुमिका स्पष्ट केली. महाराष्ट्रातील मराठा समाजाने देशासाठी बलिदान दिले आहे . सर्व समाजातील समाज घटकांना बरोबर घेऊन जाणार म्हणून ओळखला जाणारा हा समाज आहे परंतु आता समाजातील मुला मुलींची व कुटुंब ची अर्थिक परिस्थिती भयावह झाली आहे. समाजातील मुला मुलींना शिक्षणासाठी  फी भरणे आवघड आहे. पालकांना जमीन विकुन व बँक व खाजगी सावकाराकडून कर्ज घ्यावे लागत आहे. तर शिक्षण झाल्यानंतर नोकरी ची शाश्वती नाही. त्यामुळे कुटुंब ची परिस्थिती वाईट आहे. त्यामुळे मराठा समाजाला आरक्षण मिळाले पाहिजे. यासाठी आपण प्रयत्न करावेत अशी विनंती दोन्ही खासदारांनी केली. तसेच महाराष्ट्रातील धनगर समाजाला अनुसूचित जाती मध्ये आरक्षण मिळाले पाहिजे .यासाठी हा समाज आनेक वर्ष झटत आहे. इतर राज्य मध्ये धनगर समाजाला आरक्षण मिळाले आहे. परंतु महाराष्ट्रात     शब्दांचा खेळ झाला आहे. महाराष्ट्रत धनगड शब्द नसल्याने आरक्षण मिळत नाही .तरी याबाबत आपण लक्ष घालावे .व समाजाला आरक्षण दयावे हि विनंती केली. यावर पंतप्रधान नरेंद्र मोदी यांनी या दोन्ही विषयावर सकारात्मक विचार केला जाईल व लवकरच तोडगा काढला जाईल. असे आश्वासन खासदार छत्रपती उदयनराजे भोसले व खासदार रणजितसिह नाईक निंबाळकर यांना दिले.