*कल्याणराव काळे यांच्या वाढदिवसानिमित्त शनिवारी व्याख्यान*  *प्रसिध्द व्याख्याते प्रा.गणेश शिंदे  हे देणार व्याख्यान*..

पंढरपूर /प्रतिनिधी
 राष्ट्रवादी काँग्रेस पार्टीचे नेते, कृषी, शैक्षणिक, सहकार क्षेत्रात उल्लेखनीय काम करणारे सहकार शिरोमणी वसंतराव काळे सहकारी साखर कारखान्याचे चेअरमन कल्याणराव काळे यांच्या 49 व्या वाढदिवसानिमित्त युवकांना मार्गदर्शन करण्यासाठी तरुणाई पुढील आव्हाने या विषयांवर प्रा.गणेश शिंदे संसाधन व्यक्ती, यशदा पुणे संचालक यांचे व्याख्यानाचा कार्यक्रम आयोजित केला असल्याची माहिती श्रीविठठल साखर साखर कारखान्याचे संचालक तथा युवा गर्जनाचे संस्थापक, समाधान काळे यांनी दिली.
 
पंढरपूर तालुक्यात सहकार, राजकीय, सामाजिक, आर्थिक व शैक्षणिक क्षेत्रामध्ये वेगळे स्थान निर्माण केलेल्या कल्याणराव काळे यांनी सहकाराबरोबरच समाजिक क्षेत्रातील उल्लेखनिय कार्य केलेले आहे. मोफत सर्वधर्मीय सामुदायिक विवाह सोहळा, अखंड हरिनाम सप्ताह, वसंत केसरी कुस्ती स्पर्धा, राज्यस्तरीय लावणी महोत्सव, वसंतदादा काळे पुरस्कार वितरण सोहळा अशा विविध उपक्रम त्यांनी समाजाच्या प्रत्येक घटकांपर्यंत पोहचण्याचा प्रयत्न केला आहे. कोरोना कालावधीमध्ये जनकल्याण हॉस्पिटलच्या माध्यमातून अनेक कोव्हीड रुग्णांवर उपचार केले स्वतंत्र 200 बेडचे असे कोव्हीड सेंटर सुरु केले होते. त्याच कालावधीत जीवनावश्यक वस्तुंचे वाटप करुन , कोआधार दिला. कोरोना कालावधीमध्ये मयत झालेल्या पालकांच्या मुलांना शैक्षणिक खर्चासह कायमस्वरुपी शिष्यवृती सुरु करुन त्यांनी राज्यात वेगळा प्रयोग राबविला आहे

.
सहकार शिरोमणीचे चेअरमन कल्याणराव काळे यांच्या वाढदिवसाचे औचित्य साधून पंढरपूर तालुक्यातील  सर्व जिल्हा परिषद शाळेमधील शिकणाऱ्या विद्यार्थ्यांना 49 हजार वह्रयांचे वाटप, रामकृष्ण वृध्दाश्रम, मेजर कुणाल गोसावी अंधशाळा, श्रीसंत तनपुरे महाराज मठ, नवरंगे बालकाश्रम, पालवी प्रतिष्ठान, मुलांचे बालसुधागृह, तसेच गोपाळपूर येथील मातोश्री वृध्दाश्रम येथे अन्नदान, सहकार शिरोमणी वसंतराव काळे सहकारी साखर कारखाना कार्यस्थळावर सर्वरोग निदान व उपचार शिबीर, तसेच सायकल बॅक संकल्पनेअंतर्गत वाडीकुरोली येथील वसंतदादा शैक्षणिक संकुलामधील 29 विद्यार्थ्यांना सायकल वाटप करण्यात येणार आहे.
10 सपटेंबर रोजी सकाळी 11 वाजता वाखरी येथील आनंदी विनायक मंगल कार्यालय येथे तरुणांना नवी दिशा मिळणेसाठी यशदा पुणे संचालक प्रा.गणेश शिंदे यांचे तरुणाईपुढे आव्हाने या विषयावर व्याख्यानाचे आयोजन करण्यात आले असून कार्यक्रमाचे अध्यक्षस्थान ह.भ.प.जयवंत महाराज बोधले भूषविणार आहेत सदर कार्यक्रमास  बहुसंख्येनी उपस्थित रहावे असे आवाहन युवा-गर्जनेचे संस्थापक  समाधान काळे यांनी केले.  

--