*रिपब्लिकन पार्टी ऑफ इंडियाच्या (आठवले) पंढरपूर शहर युवा अध्यक्षपदी विशाल मांदळे यांची निवड*

पंढरपूर../प्रतिनिधी
रिपब्लिकन पार्टी ऑफ इंडियाच्या (आठवले) पंढरपूर शहर युवा अध्यक्षपदी विशाल मांदळे यांची निवड करण्यात आली.
     स्थानिक स्वराज्य संस्थांच्या निवडणुकांच्या पार्श्वभूमीवर पंढरपूर येथे आयोजित  करण्यात आलेल्या सभेत पक्षाचे राज्य संघटन सचिव सुनिल सर्वागोड यांनी मांदळे यांना नियुक्तीचे पत्र दिले.
     आगामी स्थानिक स्वराज्य संस्थांच्या निवडणूक विषयाच्या अनुषंगाने ही सभा बोलावण्यात आली होती. सांगोला, मंगळवेढा, माळशिरस, माढा, करमाळा, बार्शी, अक्कलकोट, पंढरपूर, सोलापूर, मोहोळ, मधून आलेल्या विविध पदाधिकाऱ्यांनी या सभेत आपली राजकीय भूमिका स्पष्ट केली.
या बैठकीत रिक्त असलेल्या पंढरपूर शहर सरचिटणीस पदी प्रशांत लोंढे, पंढरपूर युवक तालुकाध्यक्ष पदी रणजित कांबळे, पंढरपूर युवक शहराध्यक्षपदी विशाल मांदळे यांची नियुक्ती करण्यात आली. नूतन पदाधिकाऱ्यांना जिल्हाध्यक्ष अशोक सरवदे यांनी शुभेच्छा दिल्या. 
     या बैठकीस राज्य उपाध्यक्ष नंदकुमार केंगार, जिल्हा कार्याध्यक्ष अजितभाऊ गायकवाड, जिल्हा सरचिटणीस सुरज बनसोडे, जिल्हा उपाध्यक्ष उत्तम गायकवाड, युवक प्रदेश उपाध्यक्ष ॲड किर्तीपाल सर्वगोड, पश्चिम महा सचिव नागनाथ ओहोळ, पश्चिम महा संघटक दयानंद धाइंजे, जिल्हा उपाध्यक्ष अरुण बनसोडे, सोलापूर शहराध्यक्ष सुधीर बिडबाग, सोलापूर युवक शहराध्यक्ष लखन चंदनशिवे, जिल्हा उपाध्यक्ष प्रकाश सावंत, भारत आठवले,शामराव भोसले,  पच्छिम महा. उपाध्यक्ष राजाभाऊ भोसले, युवक आघाडीचे नेते आकाश जगताप, युवक नेते दत्ताभाऊ नाईकनवरे, युवक नेते अमर लोखंडे, जिल्हा संपर्क प्रमुख प्रविण माने, जिल्हा प्रसिद्ध प्रमुख रविराज बनसोडे, पंढरपूर शहराध्यक्ष अरविंद कांबळे, पंढरपूर युवक ता.अध्यक्ष रामभाऊ गायकवाड, मोहोळ ता.अध्यक्ष गौतम क्षिरसागर, माढा ता.अध्यक्ष अमर बडेकर, माळशिरस ता.अध्यक्ष धनाजी पावर, सांगोला ता.अध्यक्ष दिपक ओहाळ आदीसह कार्यकर्ते उपस्थित होते. कार्यक्रमाचे सूत्रसंचालन पंढरपूर युवक ता. कार्याध्यक्ष नितीन गायकवाड यांनी केले व कार्यक्रमाचे आभार पंढरपूर शहराध्यक्ष अरविंद कांबळे यांनी मानले.