*छत्रपती शिवाजी महाराजांबरोबर नारायण राणेंची तुला करणाऱ्या प्रमोद जठार यांच्यावर गुन्हा दाखल करण्यासाठी छावा क्रांतिवीर सेनेचे पंढरपूर ग्रामीण पोलीस स्टेशनला निवेदन*

पंढरपूर /प्रतिनिधी - 

छत्रपती च्या नावाशी तुलना करून महाराष्ट्राच्या अस्मितेचा अवमान करणाऱ्यांविरुद्ध आवश्यक कायदेशीर कारवाई करावी. अशी मागणी छावा क्रांतीवीर सेनेच्या पदाधिकाऱ्यांनी पंढरपुर ग्रामीण पोलीस निरीक्षक धनंजय जाधव साहेब यांना भेटून निवेदन देऊन मागणी केली.
 स्वराज्याचे तोरण बांधणारे छत्रपती शिवाजी महाराज सुराज्याचा वारसा तेवत ठेवणारे धर्मवीर संभाजी राजे ही महाराष्ट्राची अस्मिता आहे. ऐवढे महान कार्य विभूतीच्या नावासोबत आजच्या नीतिमूल्यांचा लिलाव मांडणाऱ्या राजकारण्यांचे नाव जोडण्याचा उद्योग त्यांच्या काही अंध समर्थकांनी सुरू केला आहे. प्रमोद जठार नामक एका समर्थकांनी नारायण राणे यांच्या अटक प्रसंगाची तुलना धर्मवीर युवराज छत्रपती संभाजीराजे यांना आक्रमक लुटारू मुघल बादशहाने केलेल्या अटकेशी करून खोडकरपणा केला आहे. त्यांच्या या कृतीने महाराष्ट्राच्या मातीच्या अस्मितेचा अवमान तर झालाच; शिवाय कायदा-सुव्यवस्था राखण्यासाठी दिवसरात्र परिश्रम करणाऱ्या महाराष्ट्र पोलिसांनाही अप्रत्यक्षपणे अन्याय करणाऱ्या मुघल सैन्याची उपमा दिली आहे. अशा राजद्रोहाला प्रेरक कृत्य करणाऱ्या बेकायदेशीर प्रवृत्तीवर कायदेशीर कारवाई करावी अशी मागणी छावा क्रांतिवीर सेनेचे पश्चिम महाराष्ट्र कार्याध्यक्ष गणेश माने यांनी केली. यावेळी निवेदन देताना पश्चिम महाराष्ट्र कार्याध्यक्ष गणेश माने. उद्योग आघाडी जिल्हाध्यक्ष संदीप जगताप. संग्राम जगताप. दादा माटेकर. अमोल पवार. नागेश जाधव. नंदु घाडगे.योगेश देवकर. कल्याण ननवरे. गणेश कोळवले. आदी पदाधिकारी उपस्थित होते