**शिवसेनेचे मा जिल्हा उपप्रमुख महेशनाना साठे यांच्या वतीने विधानपरिषदेच्या उपसभापती मा. डॉ. निलमताई गो-हे यांचा सन्मान* *श्री विठ्ठल रूक्मिणी मंदिर व परिवार देवतांच्या मंदिरांचे संवर्धन कामास शासनाचा निधी मिळवून दिल्याबद्दल केला सत्कार*

पंढरपूर/प्रतिनिधी

:- श्री विठ्ठल रूक्मिणी मंदिर व परिवार देवता मंदिराच्या संवर्धन विकास कामास शासनाने सन 2022-2023 च्या अंदाजपत्रकामध्ये रक्कम रू.73.80/- कोटीची तरतूद केल्याबद्दल  विधान परिषदेच्या उपसभापती निलमताई गोऱ्हे यांचा  सत्कार  शिवसेनेचे मा. जिल्हा उपप्रमुख प्रमुख महेश साठे व सौ . रोहीणी महेश साठे यांच्यासह साठे कुटुंबियांच्या वतीने करण्यात आला.

  सदर आराखड्याबाबत विधानपरिषदेच्या उपसभापती मा. डॉ. निलमताई गो-हे यांनी विधानभवन येथे संबंधित खात्याच्या अधिका-यांसोबत अनेकवेळा बैठका घेतल्या होत्या. तसेच आषाढी एकादशी 2021 कालावधीत त्या पंढरपूर येथे आल्या होत्या व सदरकामी बैठक घेऊन संबंधित खात्याच्या अधिका-यांना सुचना केल्या होत्या व कामांची पाहणी केली होती. तसेच सदर कामास निधी देणेबाबत त्यांनी मा. मुख्यमंत्री महोदय व मा. उपमुख्यमंत्री महोदय यांचेकडे पत्रव्यवहार केला होता. या आराखड्यामध्ये मा. डॉ. निलमताई गो-हे यांचे भरीव योगदान आहे.

  कोरोनाच्या पार्श्वभूमीवर मागील दिड वर्ष मंदिर भाविकांना दर्शनास बंद असल्याने मंदिर समितीचे उत्पन्न पूर्णत: घटले होते व सद्यस्थितीत मंदिर समितीची आर्थीक परिस्थिती चांगली नसल्याने सदर कामास शासनाने निधी मंदिर करून द्यावा मा.मुख्यमंत्री महोदय श्री उध्दवजी ठाकरेसाहेब व कार्तिकी एकादशी 2021 रोजी मा.उपमुख्यमंत्री महोदय श्री अजितजी पवारसाहेब यांचे  कडे पठपुरावा केला होता          श्री .विठ्ठल रूक्मिणी मंदिर हे खूप जूने, ऐतिहासिक, सांस्कृतिक, धार्मिक आणि आर्किटेक्चरल महत्व असणारे मंदिर आहे. मात्र यामध्ये काळाच्या ओघात आणि नैसर्गिक आणि मानवनिर्मित कारणांमुळे बरेच बदल झाले असून अनेक ठिकाणी मंदिराचे बांधकाम दुरुस्तीला आले असल्याने गेल्या 50 वर्षापासून मंदिराचा विकास आराखडा प्रस्तावित होता. त्यास मुहुर्त लागत नव्हता. मात्र, कोरोना कालावधीत मंदिर सर्वकष विकास आराखडा तयार करणेकामी पुरातत्व विभागाच्या नामांकित सुचीतील वास्तुविशारदाची नियुक्ती करून आराखडा तयार केला व त्यास पुरातत्व विभागाची मान्यता घेऊन शासन मान्यतेसाठी सादर केला आहे. सदर आराखड्याची अंदाजपत्रकीय रक्कम रू.73.80/- कोटी (पुढील पाच वर्षाच्या अपेक्षित वाढीसह) असून, यानुसार कामे पूर्ण झाल्यानंतर मंदिरास प्राचीन मुळ रूप प्राप्त होणार आहे.

 या आराखड्यामध्ये विठ्ठल मंदिर व सभामंडप, रूक्मिणी मंदिर, महालक्ष्मी मंदिर, नामदेव पायरी व नगारखाना, पडसाळ, स्माल टेंम्पल, विनायक मंदिर, व्यंकटेश मंदिर, टेन्साईल वर्क (आतील व बाहेरील), दर्शनबारी, स्ट्रक्चरल ऑडीट, वॉटर सप्लाय व ड्रेनेज, इलेक्ट्रीकल वर्क, साऊंड सिस्टीम, फायर फायटींग सिस्टीम, लक्ष्मण पाटील देवस्थान, अंबाबाई मंदिर, श्री.रोकडोबा मंदिर, श्री.सोमेश्वर मंदिर, श्री.विठ्ठल मंदिर सभामंडप सागवाणी काम, इतर परिवार देवता मंदिरे, कमान बांधकाम व इतर अनुषंगीक कामे प्रस्तावित आहे.

 श्री विठ्ठल रूक्मिणी मंदिर व परिवार देवता मंदिराच्या संवर्धन विकास आराखड्यास शासनाने सन 2022-2023 च्या अंदाजपत्रकामध्ये भरीव निधी उपलब्ध करून दिल्याबद्दल श्री विठ्ठल रूक्मिणी मंदिरे समिती, पंढरपूरच्या वतीने मा.मुख्यमंत्री महोदय श्री उध्दवजी ठाकरेसाहेब, मा.उपमुख्यमंत्री महोदय श्री अजितजी पवारसाहेब व विधानपरिषद उपसभापती महोदया मा.डॉ.निलमताई गो-हे तसेच शासनाचे आभार…..!