*तोतया पोलिसाला  करकंब पोलिसांनी केली अटक*

करकंब(प्रतिनिधी) :-

  करकंब पोलिस स्टेशन हद्दीत शनिवारी दुपारी तीन वाजण्याच्या सुमारास एक अनोळखी व्यक्ती मोटारसायकली अडवून मी पोलीस असल्याचे सांगून विविध कागदपत्रांची मागणी करून पैसे मागत होता.याबाबत करकंब पोलिसात शनिवारी गुन्हा दाखल झाला आहे.
  पोलीसांनी दिलेली माहिती अशी की,शनिवारी दुपारी तीन वाजण्याच्या सुमारास करकंब नेमतवाडी रोडवर मेन कॅनल जवळ गणेश व्यवहारे हे मोटारसायकल वरून जात असताना एक व्यक्ती मोटार सायकल थांबवुन मी पोलीस आहे म्हणत लोकांकडून पैसे घेत असल्याचे त्याच्या लक्षात आले.त्यानंतर गणेश व्यवहारे यांनी तात्काळ करकंब पोलिस स्टेशनचे पोहा विजय गोरवे यांना कळवले.
    सदर एम एच ४५ ए एन २५८१ मोटारसायकल ही होंडा ब्लेड काळ्या रंगाची असून त्यावर पुढील बाजुस मराठी मध्ये पोलीस असे लिहलेले व त्यावर तिरंगा झेंडयाचे स्टिकर असून पाठीमागेही इंग्रजीमध्ये पोलीस लिहलेले आहे.त्यावेळी गणेश व्यवहारे यांना या तोतया पोलीसाने लायसन्स आहे का असे विचारले त्यावेळी व्यवहारे यांनी लायसन्स आहे असे म्हणाल्याव  तो तोतया पोलीस म्हणाला मास्क नाही तु दंड भर, पायात बुट आहे हेल्मेट नाही तुम्ही दंड भरा असे म्हणत.माझेसोबत अजुनही मोटार सायकली ते आडवत आहेत व पैसे वसुल करीत असल्याचे करकंब पोलिस स्टेशनचे विजय गोरावे यांना माहिती दिली.
      त्यानंतर तात्काळ पोहा विजय गोरावे तसेच पोहा घोळवे, पोहा जाधव व पोना  मोरे हे खाजगी वाहनाने घटनास्थळी दाखल झाले.त्यानंतर त्यावेळी गणेश व्यवहारे व इतर नागरिकांनी सांगीतले की आम्ही तुम्हाला फोन केल्याची शंका आल्याने तो नेमतवाडीकडे पळुन गेलेला आहे. त्यानंतर करकंब पोलिसांच्या टीमने लगेच नेमतवाडीच्या दिशेने पाठलगा करायला सुरवात केली.त्यावेळी जाताना नेमतवाडी पोलीस पाटील, पेहे पोलीस पाटील व नांदोरे पोलीस पाटील यांना आम्ही फोनव्दारे सदरच्या इसमाचे व गाडीचे वर्णन सांगुन अलर्ट करुन त्यास रस्त्यावर आडविण्यास सांगीतले होते.
    शिरसठ वस्ती, नांदोरे येथे लोकांनी दोन पिक रस्त्यावर आडवे लावुन रस्ता बंद केलेला होता त्यावेळी सदरचा इसम त्याची मोटार सायकल शेतातील बैलगाडी वाटेला घालुन पुढे वाट संपल्यानंतर मोटार सायकल एम एच ४५ ए एन २५८१ ही जागीच सोडुन चावी घेवून उसामध्ये पळुन गेला.त्यानंतर पोलीस व स्थानिक नागरिकांनी यांचा शोध घेतला परंतु त्यावेळी तो पसार झाला.
   सदर मोटार सायकल नंबर वरून सदरची मोटार सायकल दादासाहेब लक्ष्मण पवार रा. कोंडारपटटा ता. माळशिरस यांची असून ती मोटार सायकल ही प्रशांत अनिल वाघ रा. वेताळवाडी हा घेऊन गेला असल्याने यास करकंब पोलिसांनी ताब्यात घेतले असून त्यांच्या विरुध्द भारतिय दंड संहीता चे कलम १७०,१७१ प्रमाणे गुन्हा दाखल करण्यात आला आहे.