*करकंब येथील अनवते वस्ती येथे दिवसा बंद घर फोडून सुमारे पावणे चार लाखाची चोरी*.

करकंब /प्रतिनिधी:

करकंब येथील  अनवते वस्ती येथे दुपारी चारच्या दरम्यान सुमारे पावणे चार लाख रुपयेची चोरी झाल्याने करकंब सह परिसरात खळबळ उडाली आहे .
      याबाबत पोलीस सूत्रांकडून मिळालेल्या माहितीनुसार करकंब येथील करकंब -टेंभुर्णी रोडवर असलेल्या अनवते वस्ती नजीक राहणारे फिर्यादी-  बाळू पांडुरंग शिंदे हे दुपारी चार ते सहा या वेळेत घराला कुलूप लावून शेतात काम करीत होते, ते घरी आल्यावर त्यांना कोणीतरी घराचे कुलूप तोडल्याचे लक्षात येताच त्यांनी पाहिले तर सर्व साहित्य विस्कटलेले दिसले नंतर त्यांनी कपाट पाहतात तर चोरी झाल्याचे लक्षात आले ही घटना दि.10/05/2023 वार बुधवारी दुपारी चार ते सहा या वेळेदरम्यान घडली आहे.फिर्यादी शिंदे यांच्या फिर्यादीनुसार त्यांच्या घराचे कुलुप तोडून घरातील रोखड 1 लाख 52 हजार ,व सोन्याचे 
2 लाख 15 हजाराचे दागिने कोणीतरी अज्ञात चोराने चोरले असल्याची फिर्याद करकंब पोलीस स्टेशनमध्ये पो.ना. उमेश जाडकर यांनी दाखल केली असून, या गंभीर घटनेची माहिती समजताच पंढरपूर उपविभागीय पोलीस अधिकारी- विक्रम कदम  व करकंब पो.स्टेशनचे स.पो.नि.निलेश तारू व करकंब पोलीसांच्या टीमने तातडीने घटनास्थळी तत्काळ भेट दिली असून पुढील तपास पंढरपूर उपविभागीय पोलीस अधिकारी - विक्रम कदम यांच्या सूचनेनुसार व करकंब पोलीस स्टेशन चे सपोनि- निलेश तारू यांच्या 
मार्गदर्शनाखाली पोलीस. पीएसआय- संजय फुगारे हे करीत आहेत.
【*लग्नसराईचे दिवस आहेत,तरीपण नागरिकांनी घरात मौल्यवान दागिने,रोखड असेल तर घरात कोणीतरी असणे गरजेचे आहे.घरात सीसीटीव्ही कॅमेरे असणे गरजेचे असल्याचे सातत्याने करकंब पोलिसांकडून तसेच ग्राम सुरक्षा यंत्रणेकडून आव्हान करण्यात येत असून, विशेषतः रस्त्यालगत असणारी दुकाने, घरे यांनी सीसीटीव्ही बसविणे. गरजेचे आहे. घरातील मौल्यवान वस्तू व रोकड सोबत घेऊन जावे.*.】