*कुठलेही मतभेद न करता पक्ष  मजबूत करावा. - अँड गणेश  पाटील*  *राष्ट्रवादीचे जिल्हा निरीक्षक  शरदभाऊ  लाड यांच्या उपस्थितीत युवकची  झाली बैठक* 

पंढरपूर / (विजय काळे यांजकडून)

राष्ट्रवादी युवक काँग्रेस  पदाधिकारी आढावा बैठक शासकीय विश्रामगृह पंढरपूर येथे युवक प्रदेशाध्यक्ष महेबुब शेख यांच्या सूचनेनुसार जिल्हा निरीक्षक शरदभाऊ लाड यांच्या प्रमुख उपस्थितीत शनिवार दि.१९ रोजी राष्ट्रवादी युवक काँग्रेस पक्षाचे सोलापूर जिल्हा अध्यक्ष ॲड गणेश राजूबापू पाटील यांच्या अध्यक्षतेखाली महत्त्वाची पदाधिकारी बैठक संपन्न झाली. यावेळी जिल्ह्यातील जिल्हा कार्यकारणी व तालुका कार्यकारणी संबंधित आढावा घेण्यात आला. तसेच कोरोना काळात पदाधिकारी यांची कोविड सेंटरला तसेच रुग्णाला विविध प्रकारचे मदत कार्य केल्याचे सांगण्यात आले .रक्तदान शिबिर ,प्लाझ्मा डोनेट, वाफेचे मशीन भेट देणे, आरोग्य कर्मचाऱ्यांना सुरक्षा किट, गोरगरिबांना धान्य वाटप अशाप्रकारे राष्ट्रवादी युवक काँग्रेसच्या माध्यमातून सामाजिक उपक्रम राबविण्यात आल्याचे पदाधिकांऱ्यांनी सांगितले. 
याप्रसंगी जिल्हा निरीक्षक शरदभाऊ लाड यांनी बोलताना  कोरोना काळात सोलापूर जिल्ह्यात  केलेल्या कामाबद्दल समाधान व्यक्त केले .पदाधिकाऱ्यांनी केलेल्या कार्याचा अहवाल जिल्हाध्यक्षांकडे  सादर करण्याच्या सूचना दिल्या.येणाऱ्या काळात जिल्हा परिषद ,पंचायत समिती ,नगरपालिका, नगरपंचायत यांच्या येणाऱ्या निवडणुका संदर्भात पक्षातील सर्वांनाच विचारात घेऊन एकजुटीने जास्तीत जास्त जागा कशा येतील याबाबत युवकांनी प्रयत्न केले पाहिजेत तसेच युवक संघटनेच्या जिल्ह्यातील पुढील काळात राबविण्यात येणाऱ्या धोरणाबद्दल विविध विषयावर चर्चा करण्यात आली.
           याप्रसंगी प्रदेश कार्यालयीन युवक सरचिटणीस अरुण आसबे, प्रदेश सचिव श्रीकांत शिंदे, प्रदेश सरचिटणीस संकल्प डोळस ,जिल्हा सचिव व जिल्हा परिषद सदस्य अतुल खरात ,ओबीसी जिल्हा उपाध्यक्ष कृष्णात माळी, विजय काळे ,सुजित गायकवाड ,जिल्हा युवक पदाधिकारी , तालुकाध्यक्ष,   शहराध्यक्ष व कार्यकर्ते उपस्थित होते . बैठकीचे नियोजन पंढरपूर युवक शहराध्यक्ष  स्वप्निल जगताप व युवक तालुकाध्यक्ष संतोष चव्हाण यांनी केले .शेवटी आभार युवक जिल्हा उपाध्यक्ष संजय पाटील यांनी मानले.