*भीमाचे व्हा चेअरमन सतीश जगताप यांचेसह संचालकांचा राजू खरे यांना पाठींबा* *लोकसभा निवडणुकीची पुनरावृत्ती  विधानसभा निवडणुकीत दिसणार*  *महाविकास आघाडीचे उमेदवार राजू खरे यांचे आणखी बळ वाढले*

पंढरपूर/प्रतिनिधी

मोहोळ विधानसभा मतदार संघाचे महाविकास आघाडीचे उमेदवार राजू खरे यांना वरचेवर वातावरण पोषक होत चालले आहे. शिवसेनेचे जिल्हाप्रमुख चरणराज चवरे यांच्यापाठोपाठ भीमा सहकारी साखर कारखान्याचे विद्यमान व्हाईस चेअरमन यांचेसह संचालकांनी राष्ट्रवादी उमेदवार राजू खरे यांना पाठिंबा जाहीर केला आहे.

भीमा सहकारी साखर कारखान्याचे व्हा. चेअरमन सतीश जगताप यांनी त्यांच्या समर्थक संचालकांसह राष्ट्रवादीचे उमेदवार राजू खरे यांनासोमवारी पाठिंबा जाहीर केला. सोमवारी सकाळी सतीश जगताप यांच्या सोहाळे येथील निवासस्थानी झालेल्या बैठकीत हा निर्णय जाहीर करण्यात आला. या बैठकीने भीमा कार्यक्षेत्रात
मोठी खळबळ उडाली आहे. भाजपाचे कोल्हापूर येथील खासदार धनंजय महाडिक हे भीमा कारखान्याचे चेअरमन असून, सतीश जगताप हे त्यांच्याच नेतृत्वाखाली काम करत आहेत. लोकसभा निवडणुकीतही
त्यांनी महाविकास आघाडीच्या उमेदवार खा. प्रणिती शिंदे यांना पाठिंबा जाहीर करून, त्यांच्या प्रचार कार्यातही उतरले होते. आता विधानसभा निवडणुकीतही महाविकास आघाडी सोबत राहण्याचा निर्णय त्यांनी घेतला असून, त्यांच्या या पाठिंब्यामुळेभीमा परिसरात महाविकास आघाडीचे उमेदवार राजू खरे यांचा जोर आणखी वाढला आहे.विधानसभा निवडणुकीचे वारे वरचेवर तापू लागले आहेत. महाविकास आघाडीचे उमेदवार राजू खरे यांचा जोरही वरचेवर वाढतच चालला आहे. मागील दोन दिवसांपूर्वी

शिवसेना शिंदे गटाचे जिल्हाप्रमुख चरणराज चवरे यांनी, महायुतीला सोडत उमेदवार राजू खरे यांना पाठिंबा जाहीर केला होता. मोहोळ विधानसभा मतदारसंघात राजू खरे हे धक्क्यावर धक्के देत चालले असून, त्यांची विजयाच्या दिशेनेही  आगेकूच असल्याची चर्चा मतदारसंघात सुरू आहे.
   सोमवारी जगताप यांच्या सोहाळे येथील निवासस्थानी येथे हा पाठींबा देण्यात आला आहे. यावेळी राष्ट्रवादी काँग्रेस शरदचंद्र पवार पक्षाचे जिल्हाध्यक्ष बळीरामकाका साठे, मोहोळ मतदार संघ अध्यक्ष श्रीकांत गायकवाड, मोहोळ तालुकाध्यक्ष विनय पाटील, भीमाचे संचालक अनिल कदम, शेतकरी संघटनेचे छगन पवार, आणि महाविकास आघाडीच्या घटक पक्षातील पदाधिकारी यांचेसह सहकारी साखर कारखाना कार्यक्षेत्रातील सरपंच, सोसायटीचे चेअरमन, आदींसह विविध संघटनेचे आणि संस्थांचे पदाधिकारी मोठ्या संख्येने उपस्थित होते.

चौकट 

 *पंढरपूरच्या 17गावात 'आपला माणूस'*

मोहोळ विधानसभा मतदार संघातील पंढरपूर तालुक्यातील 17 गावातील महाविकास आघाडीचे उमेदवार राजू खरे यांच्यासाठी आपला माणूस म्हणून विचार केला जात आहे. तालुक्यातील नेत्यांकडून वरवरची एकी दाखवण्याचा प्रयत्न केला जात असलातरी मतदारतून मात्र खरे हे आपलाच माणूस आहेत. यासाठी अंतर्गत आणि गुपचूप हालचाली सुरू असल्याचे जाणवत आहे.